I stopped

“I stopped”

Well it was difficult for me to that but was necessary as well for my own good maybe. We have a saying

“Everything happens for a reason”.

Usse pyaar karne ke kahi reasons the mere pas. Aaj rukjane ka reason bhi mil gaya.

Toh kissa kuch yu hua doston, ki
mein harr raat apne building ke compound mein jaake baitha rehta tha, deir raat tak bas use dekhne. Kyunki pura din kabhi woh busy kabhi mein. Toh sukoon se dekhlu usse ek baar yahi sochkar deir raat ko hum pagal ki Tarah baithe rehte apne compound mein. Fir Mohtarma ji aati apne kutte ko leke.. Waise ek aur baat bata du unke kutte ke sath meri bohot achi dosti hai 😁.
Ab kariban ek mahina yeh silsila jari raha, par aaj kuch aisa hua ki rukjane ka man kiya.
Roz ki tarah mein aaj bhi jaa baitha niche aaj bas meri jagah badal gayi thi, mein waha nhi baitha jaha rozana baithta hu.. Woh aayi aur yu chali gayi samnese ke mein waha tha hi nahi yeh baat mujhe hurt kar gayi toh main bhi waha se chala gaya. Ab woh compound ki dusri taraf uss kutte ko ghuma rahi thi kyunki shayad uss taraf mein nahi tha ab hone ko yeh ek galatfehmi (assumptions) bhi ho sakti hai. Par yeh pehli baar nhi tha toh shayad yeh galatfehmi naa bhi ho.
Doston yeh kissa aap tak pohochane ka kaaran yeh hai ki, hum ladke kisi ladki ke piche zara jyada hi hadd se guzar jaate hai. Khud ko kabhi bas nhi kehte, aur hum khud hi apne self respect ki dajjiya uda dete hai. Par hadd se guzarna galat nhi, kyunki tabhi jaake hum ek sahi attitude build up kar paate hai. Waise harr ladka yeh nahi kar pata. Toh unko mein itna hi kahunga ki bhaiya itni taqat yaa mehnat kahi aur kyu nahi karte jaha se ache returns mile, Bhale woh ladki se ho yaa kisi kaam se.

Bohot hi seedhi si baat hai doston.

“Khud ki izzat pehle khud Karo, tab kahi Jaake Duniya karegi”

Aur ladke joh kehte h ladkiyon mein attitude hai, understanding nahi hai, akdu hai etc. Aap sabhi se itna hi kahunga ki, uss ladki ne kabhi tumse aake yeh nahi kaha tha ki mere piche bhago. Toh isme galti tumhari hai. Agar tumhe nhi pata kaha rukjana hai, kisko jyada imp dena hai use ya khudko. So plz kisi bhi ladki ke bare galat baatein kehna chod do.

“Sab Par kuch gairon ki, kuch apno ki aur kuch halaton ki meherbaniyan rahi hai. Tab koi aisa banta hai, ab log paidaishi badtameez toh nahi hote”.                
                                 
                                       – Sairaj

Aur baat rahi ki tumse nahi ho paa raha khudko rokna aur tumhe ab bhi woh ladki chahiye. Toh itna kahunga ki uske  piche mat bhago,

“Uske piche bhago joh woh ladki tumhe dilade”.

Mujhe mere khuda pe yakeen hai, maine joh manga mujhe mila hai haa thodi der se sahi par mujhe uss baat ka gham nahi.
Aur Maine ek baat sikhi hai.
Tumhe mangne ki bhi jarurat nahi.

“Kehte woh dua unki bhi Sun Leta hai jinki Awaaz nhi nikalti”.

Tum haqq se mango apne khuda ke pas, woh dega tumhe joh tum deserve karte ho yaa joh tumhare liye sahi ho. Aur mein chahunga doston ki aap bhi meri iss baat par soche.

Toh doston aaj yahi rukh kar aap sabhi vida lunga.. Aur phir milenge kisi aise hi kisse ke sath. KHUDAHAFIZ 🙏